Kontroll aksesi për ashensorë dhe ndërtesa
Kabinën e ashensorit e mbulon masteri i kabinës CCU-32, ndërsa pjesën tjetër të ndërtesës masteri ICM-GE me nga një nyjë për kat. Të dy vendosin lokalisht, nga baza e kartelave që mbajnë në pllakë; cloud-i vetëm sinkronizon, ruan ngjarjet dhe dërgon përditësime. Më poshtë janë gjashtë situatat që na kërkohen më shpesh, dhe si ecën një projekt nga vlerësimi i objektit deri te mbështetja në distancë.
Çfarë zgjidhim
Secila kartë të çon te artikulli që e shpjegon qasjen në detaje inxhinierike. Të gjitha zgjidhjet përdorin të njëjtat pllaka, të njëjtat buse të enkriptuara dhe të njëjtin dashboard — ndërtesa mund të fillojë me njërën dhe të tjerat t'i shtojë më vonë.
Kontroll aksesi për ashensorë
Masteri i kabinës AXON CCU-32 e lexon AXON Reader-in në kabinë përmes RS-485 të enkriptuar, vendos lokalisht cilat kate mund t'i arrijë një kartelë dhe aktivizon nga një rele për buton kati për 3 sekonda. Paneli ekzistues i butonave të ashensorit mbetet siç është. Një njësi mbulon 32 kate, dhe për ndërtesa më të larta njësitë zinxhirohen — pa kufi katesh.
Si funksionon aksesi në ashensorNdërtesa me shumë hyrje
Masteri AXON ICM-GE e mban bazën e kartelave në pllakë dhe komunikon me nga një AXON Node për shesh kati, hyrje, garazh ose rampë, përmes dy buseve CAN të enkriptuara — deri në 120 pika aksesi për port, 240 për master, dhe për objekte më të mëdha shtohen mastera të tjerë. Lexuesit lidhen pas nyjës me RS-485. Një master, një çift i përdredhur për segment, një politikë për gjithë ndërtesën.
Udhëzuesi i projektimitRFID kundër klonimit
Kartelat janë MIFARE DESFire EV3. Lexuesi nxjerr nga UID-ja një çelës të veçantë për secilën kartelë dhe kryen autentikim të ndërsjellë AES-128 para se të raportojë diçka; një UID e kopjuar ose një klon MIFARE Classic bie që te lexuesi. Askund në sistem nuk i besohet vetëm UID-së, dhe kredenciali nuk udhëton kurrë i paenkriptuar.
Si funksionon mbrojtja nga klonimiNdërtesë inteligjente dhe monitorim
Çdo hyrje e lejuar apo e refuzuar regjistrohet në master dhe publikohet përmes MQTT/TLS kur ka lidhje. Dashboard-i web i AXON-it i tregon ngjarjet, përdoruesit dhe gjendjen e pajisjeve për të gjitha objektet; cloud-i sinkronizon bazën e kartelave dhe dërgon firmware me përditësim OTA, por vendimi i aksesit nuk i kërkohet kurrë atij.
Udhëzuesi për ndërtesa inteligjentePërshtatja e lexuesve Wiegand
Lexuesit Wiegand 26/34 që punojnë mbeten; zëvendësohet vetëm paneli dhe busi. AXON AMS montohet në kutinë pas secilit lexues dhe kredencialin e tij e përcjell si mesazh me adresë në busin AXON RS-485; varianti pass-through e mban panelin e vjetër aktiv gjatë kalimit me faza. Njësitë janë në stok.
Konvertuesi AXON AMSMenaxhim në distancë dhe pagesa
Administratorët shtojnë ose bllokojnë kartela, caktojnë lejet e kateve dhe datat e vlefshmërisë nga dashboard-i web ose aplikacioni mobil; ndryshimet arrijnë te masterat në sinkronizimin e radhës. Vetaktivizimi i banorëve dhe pagesat online përcaktohen veçmas për secilën ndërtesë. Na e tregoni rastin tuaj dhe e dimensionojmë bashkë.
Flisni me neSi ecën një projekt me ne
Katër hapa, të njëjtët për një kabinë të vetme apo për gjithë ndërtesën. Ne bëjmë inxhinierinë, elektricistët partnerë instalimin — ju merrni një sistem që vazhdon punën edhe kur interneti ndalet.
Vlerësimi i objektit dhe dimensionimi
Na dërgoni numrin e kateve, kabinave, hyrjeve, garazheve e portave, dhe a arrin kabllimi deri në kabinë. Ne zgjedhim nënsistemet, llogarisim masterat, nyjet dhe lexuesit, planifikojmë segmentet RS-485 dhe CAN me terminim, dhe caktojmë Ethernet ose lidhje celulare për lidhjen me serverin.
Konfigurimi
Kartelat janë DESFire EV3, të koduara për aplikacionin AXON. Secila kartelë merr në master maskën e kateve, datën e vlefshmërisë dhe flamurin e bllokimit; secila nyjë merr adresën DIP, tipin e pajisjes dhe caktimin e releve. Gjithçka përgatitet para se dikush të ngjitet në shkallë.
Instalimi nga elektricistët partnerë
CCU-32 vendoset në kabinë ose në dhomën e makinerisë, nga një nyjë për shesh kati ose derë, lexuesit pas tyre me RS-485, dhe konvertuesit AMS pas lexuesve Wiegand që mbani. Buset kalojnë me çift të përdredhur me mbrojtje, me terminim 120 ohm vetëm në skaje. Ne japim dokumentacionin e kabllimit dhe mbetemi të kontaktueshëm gjatë punës.
Vënia në punë, trajnimi, mbështetja në distancë
Masterat i autentikojnë lexuesit dhe nyjet e tyre, ne e testojmë afrimin e kartelës në secilën pikë, pastaj dorëzojmë dashboard-in dhe aplikacionin mobil bashkë me trajnimin e administratorit të ndërtesës. Pas kësaj, regjistrat, sinkronizimi i bazës dhe përditësimet e firmware-it kalojnë përmes lidhjes me serverin, dhe inxhinierët tanë ju mbështesin në distancë.
Çfarë ofrojmë
AXON është sistem harduerik dhe softuerik, jo një panel i zgjedhur nga katalogu. Çdo pllakë e projektojmë dhe e ndërtojmë në Kosovë dhe modulet që shiten i mbajmë në stok lokal — një konfigurim standard zakonisht bëhet gati për një deri në dy javë, pa pritur dërgesa nga jashtë.
Krahas harduerit japim dashboard-in web dhe aplikacionin mobil AXON për përdoruesit, lejet dhe ngjarjet, dokumentacionin teknik që u duhet integruesve për kabllim dhe vënie në punë, si dhe mbështetje të drejtpërdrejtë inxhinierike për elektricistët partnerë që instalojnë. Çmimet jepen për projekt, me kërkesë.
- Harduer nga stoku lokal: masteri i kabinës CCU-32, masteri ICM-GE, AXON Node, AXON Reader, konvertuesi AMS dhe zgjerimet e releve
- Dashboard-i web dhe aplikacioni mobil AXON për përdoruesit, lejet e kateve, datat e vlefshmërisë, regjistrin e ngjarjeve dhe gjendjen e pajisjeve
- Dokumentacion teknik për secilën pllakë: kabllimi, terminimi, adresimi DIP, mënyrat e dështimit, zgjidhja e problemeve
- Mbështetje për integruesit gjatë vlerësimit, instalimit dhe vënies në punë; pas dorëzimit, mbështetje në distancë, sinkronizim i bazës dhe përditësime OTA
AXON përballë paneleve tipike vetëm-cloud ose Wiegand
Dallimet që kanë rëndësi në objekt: ku merret vendimi, çfarë ndodh kur bie lidhja, çfarë udhëton nëpër kabllo dhe sa kabllo duhet tërhequr.
| Aspekti | AXON | Panele vetëm-cloud / Wiegand |
|---|---|---|
| Ku merret vendimi i aksesit | Në master, pa internet, nga baza lokale e kartelave; objektivi i kërkimit në ICM-GE nën 2 ms | Në çdo afrim kartele, kërkesë deri te një API në cloud dhe kthim |
| Sjellja kur bie lidhja me serverin | Vazhdon të vendosë nga baza e fundit e sinkronizuar, i mban ngjarjet në radhë dhe sinkronizon kur kthehet lidhja | Aksesi ndalet ose bie në një grup rregullash të ruajtura në cache |
| Kredenciali në kabllo | Autentikim i ndërsjellë DESFire EV3, pastaj AES-128 encrypt-then-MAC me numërues kundër ripërsëritjes (anti-replay) në RS-485 dhe CAN | Wiegand D0/D1 i paenkriptuar në gjatësi të mëdha kablloje, UID-ja besohet ashtu siç lexohet |
| Kabllimi deri te pikat e aksesit | Një çift i përdredhur për segment: RS-485 në kabinë, boshti CAN me deri në 120 pika aksesi për port | Për secilën derë një linjë IP dhe një port switch-i, ose një kabllo Wiegand e veçantë për secilin lexues |
Çfarë na pyesin para një projekti
A punon sistemi pa internet?
A mund t'i mbajmë lexuesit Wiegand që i kemi në mur?
Kush e instalon sistemin?
Në cilat rajone punoni dhe sa shpejt?
Ta dimensionojmë sistemin për ndërtesën tuaj?
Na tregoni numrin e kateve, kabinat, hyrjet dhe portat, dhe a arrin kabllimi deri në kabinë. Ne i dimensionojmë masterat, nyjet, lexuesit dhe lidhjen me serverin, dhe harduerin AXON e dërgojmë nga stoku lokal në Kosovë. Çmimet me kërkesë.